BE.292 Logu no.141
GIRGIR MA HAMU

Ayat 1
Dung ro Jesus i patar ma tu au gogoNa sude holongNa di au
Ibana haposan haporusan i Tung mate pe iba sonang roha i

Ayat 2
Dung ro Jesus i martua sude Na pos roha i sonang do sude
So olo be lonong na mian disi Sude do mangolu ditogu tusi

Ayat 3
Na bernit pe ro manosak tu au Ilungku pe ro tung marsak do au
Ndang ganggu rohangku ai Jesus di au Ibana gogongku malua do au

Ayat 4
Patar arsakki peak di joloM Tu ginjang ma au mangido gogoM
Ndang tuk ndang tau jolma haporusan i Sai holan arsakku dipajojor i

Ayat 5
O Jesus tu Ho marsomba au on Sude ma di Ho hulehon au on
So olo be sirang naung domu tu Ho martua nang sonang na ro i tu Ho
